歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2022年12月5號夜晚10點。
首先係香港新聞。
港鐵將軍澳站附近喺朝頭早懷疑有車卡連接鬆脱，將軍澳線來往調景嶺至康城同埋寶琳站嘅服務中斷咗成4個鐘。呢次係港鐵喺一個月內，第二次發生嚴重嘅事故。政府要求佢哋喺3日之內交報告，解釋點解會發生呢件事，同埋點樣防止再發生呢類嘅事件。
阿聯酋迪拜舉行嘅亞洲經典健力錦標賽，又有播錯國歌事件，將《願榮光歸香港》當做國歌咁播。亞洲健力聯盟已經就呢件事道歉。有啲人認為，成日播錯國歌，係同Google有關。喺Google 搜尋「香港國歌」，就會出現《願榮光歸香港》呢首同2019年反修例運動有關嘅歌。
ji4 gaa1 hai6 hoeng1 gong2 si4 gaan3 2022 nin4 12 jyut6 5 hou6 je6 maan5 10 dim2.
sau2 sin1 hai6 hoeng1 gong2 san1 man4.
gong2 tit3 zoeng1 gwan1 ou3 zaam6 fu6 gan6 hai2 ziu1 tau4 zou2 waai4 ji4 jau5 ce1 kaa1 lin4 zip3 sung1 tyut3, zoeng1 gwan1 ou3 sin3 loi4 wong5 tiu4 ging2 ling5 zi3 hong1 sing4 tung4 maai4 bou2 lam4 zaam6 ge3 fuk6 mou6 zung1 tyun5 zo2 sing4 4 go3 zung1. ni1 ci3 hai6 gong2 tit3 hai2 jat1 go3 jyut6 noi6, dai6 ji6 ci3 faat3 sang1 jim4 zung6 ge3 si6 gu3. zing3 fu2 jiu1 kau4 keoi5 dei6 hai2 3 jat6 zi1 noi6 gaau1 bou3 gou3, gaai2 sik1 dim2 gaai2 wui5 faat3 sang1 ni1 gin6 si6, tung4 maai4 dim2 joeng2 fong4 zi2 zoi3 faat3 sang1 ni1 leoi6 ge3 si6 gin2.
aa3 lyun4 jau4 dik6 baai3 geoi2 hang4 ge3 aa3 zau1 ging1 din2 gin6 lik6 gam2 biu1 coi3, jau6 jau5 bo3 co3 gwok3 go1 si6 gin2, zoeng1《 jyun6 wing4 gwong1 gwai1 hoeng1 gong2》 dong3 zou6 gwok3 go1 gam2 bo3. aa3 zau1 gin6 lik6 lyun4 mang4 ji5 ging1 zau6 ni1 gin6 si6 dou6 hip3. jau5 di1 jan4 jing6 wai4, sing4 jat6 bo3 co3 gwok3 go1, hai6 tung4 Google jau5 gwaan1. hai2 Google sau2 cam4「 hoeng1 gong2 gwok3 go1」, zau6 wui5 ceot1 jin6《 jyun6 wing4 gwong1 gwai1 hoeng1 gong2》ni1 sau2 tung4 2019 nin4 faan2 sau1 lai6 wan6 dung6 jau5 gwaan1 ge3 go1.
想跟我學廣東話？歡迎你參加我嘅1對1線上課程！快啲留言俾我啦！
soeng2 gan1 ngo5 hok6 gwong2 dung1 waa2? fun1 jing4 nei5 caam1 gaa1 ngo5 ge3 1 deoi3 1 sin3 soeng6 fo3 cing4! faai3 di1 lau4 jin4 bei2 ngo5 laa1!
其他地區新聞。
中國內地有好多個城市，進一步放鬆COVID-19嘅防疫措施。上海市由今日起，搭車唔使再檢查核酸檢測陰性證明。佢嘅周邊城市，例如杭州、寧波同埋溫州等等，都開始放鬆佢哋嘅檢測要求。
中國已故前國家主席江澤民嘅遺體，今日喺北京火化。國家主席習近平護送遺體上靈車。聽日北京人民大會堂將會有追悼大會，香港嘅政府部門會進行直播。
kei4 taa1 dei6 keoi1 san1 man4.
zung1 gwok3 noi6 dei6 jau5 hou2 do1 go3 sing4 si5, zeon3 jat1 bou6 fong3 sung1 COVID-19 ge3 fong4 jik6 cou3 si1. soeng6 hoi2 si5 jau4 gam1 jat6 hei2, daap3 ce1 m4 sai2 zoi3 gim2 caa4 hat6 syun1 gim2 cak1 jam1 sing3 zing3 ming4. keoi5 ge3 zau1 bin1 sing4 si5, lai6 jyu4 hong4 zau1, ning4 bo1 tung4 maai4 wan1 zau1 dang2 dang2, dou1 hoi1 ci2 fong3 sung1 keoi5 dei6 ge3 gim2 cak1 jiu1 kau4.
zung1 gwok3 ji5 gu3 cin4 gwok3 gaa1 zyu2 zik6 gong1 zaak6 man4 ge3 wai4 tai2, gam1 jat6 hai2 bak1 ging1 fo2 faa3. gwok3 gaa1 zyu2 zik6 zaap6 gan6 ping4 wu6 sung3 wai4 tai2 soeng5 ling4 ce1. ting1 jat6 bak1 ging1 jan4 man4 daai6 wui6 tong4 zoeng1 wui5 jau5 zeoi1 dou6 daai6 wui2, hoeng1 gong2 ge3 zing3 fu2 bou6 mun4 wui5 zeon3 hang4 zik6 bo3.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.