歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2022年12月14號下晝1點。
首先係香港新聞。
政府由今日開始，放鬆COVID-19嘅防疫措施，其中包括市民出街唔使再用「安心出行」app 掃二維碼，但係仍然保留對「疫苗通行證」嘅要求。不過，「疫苗通行證」嘅「黃碼」已經取消咗，即係話入境香港嘅人士，除非確診攞「紅碼」唔準出街之外，其他人全部都會攞「藍碼」，可以四圍去，包括可以喺餐廳度堂食。
行政長官李家超話，播放正確嘅國歌係大是大非嘅問題。佢話佢會再向Google投訴，要求佢哋將啲錯嘅資訊刪除。之前有一啲體育賽事，播錯咗「願榮光歸香港」做香港國歌，有人認為係同Google嘅搜尋結果有關。
ji4 gaa1 hai6 hoeng1 gong2 si4 gaan3 2022 nin4 12 jyut6 14 hou6 haa6 zau3 1 dim2.
sau2 sin1 hai6 hoeng1 gong2 san1 man4.
zing3 fu2 jau4 gam1 jat6 hoi1 ci2, fong3 sung1 COVID-19 ge3 fong4 jik6 cou3 si1, kei4 zung1 baau1 kut3 si5 man4 ceot1 gaai1 m4 sai2 zoi3 jung6「 on1 sam1 ceot1 hang4」app sou3 ji6 wai4 maa5, daan6 hai6 jing4 jin4 bou2 lau4 deoi3「 jik6 miu4 tung1 hang4 zing3」 ge3 jiu1 kau4. bat1 gwo3,「 jik6 miu4 tung1 hang4 zing3」 ge3「 wong4 maa5」 ji5 ging1 ceoi2 siu1 zo2, zik1 hai6 waa6 jap6 ging2 hoeng1 gong2 ge3 jan4 si6, ceoi4 fei1 kok3 can2 lo2「 hung4 maa5」 m4 zeon2 ceot1 gaai1 zi1 ngoi6, kei4 taa1 jan4 cyun4 bou6 dou1 wui5 lo2「 laam4 maa5」, ho2 ji5 sei3 wai4 heoi3, baau1 kut3 ho2 ji5 hai2 caan1 teng1 dou6 tong4 sik6.
hang4 zing3 zoeng2 gun1 lei5 gaa1 ciu1 waa62, bo3 fong3 zing3 kok3 ge3 gwok3 go1 hai6 daai6 si6 daai6 fei1 ge3 man6 tai4. keoi5 waa6 keoi5 wui5 zoi3 hoeng3 Google tau4 sou3, jiu1 kau4 keoi5 dei6 zoeng1 di1 co3 ge3 zi1 seon3 saan1 ceoi4. zi1 cin4 jau5 jat1 di1 tai2 juk6 coi3 si6, bo3 co3 zo2「 jyun6 wing4 gwong1 gwai1 hoeng1 gong2」 zou6 hoeng1 gong2 gwok3 go1, jau5 jan4 jing6 wai4 hai6 tung4 Google ge3 sau2 cam4 git3 gwo2 jau5 gwaan1.
想喺新一年學習廣東話？快啲參加我嘅1對1線上課程啦！
soeng2 hai2 san1 jat1 nin4 hok6 zaap6 gwong2 dung1 waa2? faai3 di1 caam1 gaa1 ngo5 ge31 deoi3 1 sin3 soeng6 fo3 cing4 laa1!
其他地區新聞。
印度同中國嘅軍隊喺上個星期五有衝突，雙方都話係因為對方越過邊界，所以先至打起上嚟，目前有幾個人受傷，但係冇人死亡。印中邊境對上一次嘅類似衝突係喺2020年6月。
世界盃嘅4強賽事，今晚係法國對摩洛哥。贏咗嗰隊將會同阿根廷喺香港時間12月18號夜晚11點爭奪冠軍。另外，季軍爭奪戰將會喺12月17號嘅同一時間舉行。
kei4 taa1 dei6 keoi1 san1 man4.
jan3 dou6 tung4 zung1 gwok3 ge3 gwan1 deoi2 hai2 soeng6 go3 sing1 kei4 ng5 jau5 cung1 dat6, soeng1 fong1 dou1 waa6 hai6 jan1 wai6 deoi3 fong1 jyut6 gwo3 bin1 gaai3, so2 ji5 sin1 zi3 daa2 hei2 soeng5 lai4, muk6 cin4 jau5 gei2 go3 jan4 sau6 soeng1, daan6 hai6 mou5 jan4 sei2 mong4. jan3 zung1 bin1 ging2 deoi3 soeng6 jat1 ci3 ge3 leoi6 ci5 cung1 dat6 hai6 hai2 2020 nin4 6 jyut6.
sai3 gaai3 bui1 ge3 4 koeng4 coi3 si6, gam1 maan5 hai6 faat3 gwok3 deoi3 mo1 lok3 go1. jeng4 zo2 go2 deoi6 zoeng1 wui5 tung4 aa3 gan1 ting4 hai2 hoeng1 gong2 si4 gaan3 12 jyut6 18 hou6 je6 maan5 11 dim2 zang1 dyut6 gun3 gwan1. ling6 ngoi6, gwai3 gwan1 zang1 dyut6 zin3 zoeng1 wui5 hai2 12 jyut6 17 hou6 ge3 tung4 jat1 si4 gaan3 geoi2 hang4.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.