歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年7月1號下晝3點。
首先係香港新聞。
新巴城巴喺今日合併，新公司由城巴繼續營運，有唔少巴士迷帶埋佢哋嘅新巴模型、燈牌同埋表達感謝嘅海報，排隊搭新巴喺零晨一點半開出嘅尾班車。有啲巴士迷由朝早開始等，有啲一家大細嚟搭呢班車，有啲就因為想搭新巴嘅尾班車，特登由外國返香港。佢哋都好唔捨得新巴。
最新嘅QS世界大學排名出爐，香港大學排全球第26位，喺香港排第一，跟住係排第47位嘅中大、排第60位嘅科大、排第65位嘅理大同埋第70位嘅城大。除咗理大嘅排名冇變之外，其他4間大學都下跌。全球排名方面，第一位係美國嘅麻省理工學院，第二位係英國嘅劍橋大學，第三位係英國嘅牛津大學。
ji4 gaa1 hai6 hoeng1 gong2 si4 gaan3 2023 nin4 7 jyut6 1 hou6 haa6 zau3 3 dim2.
sau2 sin1 hai6 hoeng1 gong2 san1 man4.
san1 baa1 sing4 baa1 hai2 gam1 jat6 hap6 ping3, san1 gung1 si1 jau4 sing4 baa1 gai3 zuk6 jing4 wan6, jau5 m4 siu2 baa1 si2 mai4 daai3 maai4 keoi5 dei6 ge3 san1 baa1 mou4 jing4, dang1 paai2 tung4 maai4 biu2 daat6 gam2 ze6 ge3 hoi2 bou3, paai4 deoi2 daap3 san1 baa1 hai2 ling4 san4 jat1 dim2 bun3 hoi1 ceot1 ge3 mei5 baan1 ce1. jau5 di1 baa1 si2 mai4 jau4 ziu1 zou2 hoi1 ci2 dang2, jau5 di1 jat1 gaa1 daai6 sai3 lai4 daap3 ni1 baan1 ce1, jau5 di1 zau6 jan1 wai6 soeng2 daap3 san1 baa1 ge3 mei5 baan1 ce1, dak6 dang1 jau4 ngoi6 gwok3 faan1 hoeng1 gong2. keoi5 dei6 dou1 hou2 m4 se2 dak1 san1 baa1.
zeoi3 san1 ge3 QS sai3 gaai3 daai6 hok6 paai4 ming4 ceot1 lou4, hoeng1 gong2 daai6 hok6 paai4 cyun4 kau4 dai6 26 wai6, hai2 hoeng1 gong2 paai4 dai6 jat1, gan1 zyu6 hai6 paai4 dai6 47 wai6 ge3 zung1 daai6, paai4 dai6 60 wai6 ge3 fo1 daai6, paai4 dai6 65 wai6 ge3 lei5 daai6 tung4 maai4 dai6 70 wai6 ge3 sing4 daai6. ceoi4 zo2 lei5 daai6 ge3 paai4 ming4 mou5 bin3 zi1 ngoi6, kei4 taa1 4 gaan1 daai6 hok6 dou1 haa6 dit3. cyun4 kau4 paai4 ming4 fong1 min6, dai6 jat1 wai6 hai6 mei5 gwok3 ge3 maa4 saang2 lei5 gung1 hok6 jyun2, dai6 ji6 wai6 hai6 jing1 gwok3 ge3 gim3 kiu4 daai6 hok6, dai6 saam1 wai6 hai6 jing1 gwok3 ge3 ngau4 zeon1 daai6 hok6.
鍾意我哋嘅節目？記得share同subscribe呀！想跟我學廣東話，而家就嚟報名啦，名額有限。
zung1 ji3 ngo5 dei6 ge3 zit3 muk6? gei3 dak1 share tung4 subscribe aa3! soeng2 gan1 ngo5 hok6 gwong2 dung1 waa2, ji4 gaa1 zau6 lai4 bou3 meng2 laa1, ming4 ngaak6 jau5 haan6.
其他地區新聞。
世衛打算將代糖「阿斯巴甜」（Aspartame），列作「可能對人類致癌」嘅類別，無糖可樂同埋一啲香口膠，都含有呢隻代糖。香港高等教育科技學院食品科學及安全學系副教授方麗影話，要係咁飲代糖汽水先至有機會致癌，一般人唔使太過擔心。
kei4 taa1 dei6 keoi1 san1 man4.
sai3 wai6 daa2 syun3 zoeng1 doi6 tong4「 aa3 si1 baa1 tim4」(Aspartame), lit6 zok3「 ho2 nang4 deoi3 jan4 leoi6 zi3 ngaam4」 ge3 leoi6 bit6, mou4 tong4 ho2 lok6 tung4 maai4 jat1 di1 hoeng1 hau2 gaau1, dou1 ham4 jau5 ni1 zek3 doi6 tong4. hoeng1 gong2 gou1 dang2 gaau3 juk6 fo1 gei6 hok6 jyun2 sik6 ban2 fo1 hok6 kap6 on1 cyun4 hok6 hai6 fu3 gaau3 sau6 fong1 lai6 jing2 waa6, jiu3 hai6 gam2 jam2 doi6 tong4 hei3 seoi2 sin1 zi3 jau5 gei1 wui6 zi3 ngaam4, jat1 bun1 jan4 m4 sai2 taai3 gwo3 daam1 sam1.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.