歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年9月13號午夜12點。
首先係香港新聞。
經過幾日前「五百年一遇」嘅暴雨之後，前日全港又落大雨。東九龍有好多地方又水浸，喺水浸最嚴重嘅觀塘，有唔少車喺啲馬路度死火，被水圍困。
黃大仙北館之前喺黑色暴雨嘅情況下，差唔多浸曬成層地庫。領展話，地庫裡面嘅大部份積水已經抽走，連啲大型雜物都清理埋。
運輸及物流局局長喺前日去過黃大仙港鐵站，了解水浸情況同埋善後嘅進度。佢話月台幕門已經整返好曬，但係有啲升降機同埋扶手電梯，到而家仲整緊。佢又話，鐵路服務差唔多正常返曬。
ji4 gaa1 hai6 hoeng1 gong2 si4 gaan3 2023 nin4 9 jyut6 13 hou6 ng5 je6 12 dim2.
sau2 sin1 hai6 hoeng1 gong2 san1 man4.
ging1 gwo3 gei2 jat6 cin4「 ng5 baak3 nin4 jat1 jyu6」 ge3 bou6 jyu5 zi1 hau6, cin4 jat6 cyun4 gong2 jau6 lok6 daai6 jyu5. dung1 gau2 lung4 jau5 hou2 do1 dei6 fong1 jau6 seoi2 zam3, hai2 seoi2 zam3 zeoi3 jim4 zung6 ge3 gun1 tong4, jau5 m4 siu2 ce1 hai2 di1 maa5 lou6 dou6 sei2 fo2, bei6 seoi2 wai4 kwan3.
wong4 daai6 sin1 bak1 gun2 zi1 cin4 hai2 hak1 sik1 bou6 jyu5 ge3 cing4 fong3 haa6, caa1 m4 do1 zam3 saai3 sing4 cang4 dei6 fu3. ling5 zin2 waa6, dei6 fu3 leoi5 min6 ge3 daai6 bou6 fan6 zik1 seoi2 ji5 ging1 cau1 zau2, lin4 di1 daai6 jing4 zaap6 mat6 dou1 cing1 lei5 maai4.
wan6 syu1 kap6 mat6 lau4 guk6/2 guk6 zoeng2 hai2 cin4 jat6 heoi3 gwo3 wong4 daai6 sin1 gong2 tit3 zaam6, liu5 gaai2 seoi2 zam3 cing4 fong3 tung4 maai4 sin6 hau6 ge3 zeon3 dou6. keoi5 waa6 jyut6 toi4 mok6 mun4 ji5 ging1 zing2 faan1 hou2 saai3, daan6 hai6 jau5 di1 sing1 gong3 gei1 tung4 maai4 fu4 sau2 din6 tai1, dou3 ji4 gaa1 zung6 zing2 gan2. keoi5 jau6 waa6, tit3 lou6 fuk6 mou6 caa1 m4 do1 zing3 soeng4 faan1 saai3.
想學廣東話？快啲嚟跟我學啦！第一堂做緊半價添呀！名額有限。
soeng2 hok6 gwong2 dung1 waa2? faai3 di1 lai4 gan1 ngo5 hok6 laa1! dai6 jat1 tong4 zou6 gan2 bun3 gaa3 tim1 aa3! ming4 ngaak6 jau5 haan6.
其他地區新聞。
北韓領袖金正恩已經去到俄羅斯，將會同俄羅斯總統普京會面。另外，普京噚日就喺海參威同中國國務院副總理張國清會面，話俄國同中國嘅關係達到歷史嘅新高，之後會發展得更快。
kei4 taa1 dei6 keoi1 san1 man4.
bak1 hon4 ling5 zau6 gam1 zing3 jan1 ji5 ging1 heoi3 dou3 ngo4 lo4 si1, zoeng1 wui5 tung4 ngo4 lo4 si1 zung2 tung2 pou2 ging1 wui6 min6. ling6 ngoi6, pou2 ging1 cam4 jat6 zau6 hai2 hoi2 sam1 wai1 tung4 zung1 gwok3 gwok3 mou6 jyun2 fu3 zung2 lei5 zoeng1 gwok3 cing1 wui6 min6, waa6 ngo4 gwok3 tung4 zung1 gwok3 ge3 gwaan1 hai6 daat6 dou3 lik6 si2 ge3 san1 gou1, zi1 hau6 wui5 faat3 zin2 dak1 gang3 faai3.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.