歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年9月29號下晝1點。
今日係中秋節，我喺呢度祝大家中秋節快樂，人月兩團圓。
首先係香港新聞。
大坑舞火龍因為疫情原因停辦咗三年之後，喺今年復辦，由尋日起一連三晚都有演出。我嘅學生都應該知道呢個係香港特有嘅中秋節活動。有興趣嘅聽眾，可以去大坑參觀舞火龍，慶祝疫情過後嘅第一個中秋節。
香港夜繽紛嘅第一個海濱市集，尋日起喺灣仔海濱舉行，主要係賣唔同嘅嘢食，同埋一啲懷舊手信。有啲攤位嘅老闆收到通知，話國慶日要暫停營業五個半鐘頭而表示不滿。
2023 09 29
ji4 gaa1 hai6 hoeng1 gong2 si4 gaan3 2023 nin4 9 jyut6 29 hou6 haa6 zau3 1 dim2.
gam1 jat6 hai6 zung1 cau1 zit3, ngo5 hai2 ni1 dou6 zuk1 daai6 gaa1 zung1 cau1 zit3 faai3 lok6, jan4 jyut6 loeng5 tyun4 jyun4.
sau2 sin1 hai6 hoeng1 gong2 san1 man4.
daai6 haang1 mou5 fo2 lung4 jan1 wai6 jik6 cing4 jyun4 jan1 ting4 baan6 zo2 saam1 nin4 zi1 hau6, hai2 gam1 nin4 fuk6 baan6, jau4 cam4 jat6 hei2 jat1 lin4 saam1 maan5 dou1 jau5 jin2 ceot1. ngo5 ge3 hok6 saang1 dou1 jing1 goi1 zi1 dou2 ni1 go3 hai6 hoeng1 gong2 dak6 jau5 ge3 zung1 cau1 zit3 wut6 dung6. jau5 hing3 ceoi3 ge3 ting3 zung3, ho2 ji5 heoi3 daai6 haang1 caam1 gun1 mou5 fo2 lung4, hing3 zuk1 jik6 cing4 gwo3 hau6 ge3 dai6 jat1 go3 zung1 cau1 zit3.
hoeng1 gong2 je6 ban1 fan1 ge3 dai6 jat1 go3 hoi2 ban1 si5 zaap6, cam4 jat6 hei2 hai2 waan1 zai2 hoi2 ban1 geoi2 hang4, zyu2 jiu3 hai6 maai6 m4 tung4 ge3 je5 sik6, tung4 maai4 jat1 di1 waai4 gau6 sau2 seon3. jau5 di1 taan1 wai2 ge3 lou5 baan2 sau1 dou2 tung1 zi1, waa6 gwok3 hing3 jat6 jiu3 zaam6 ting4 jing4 jip6 ng5 go3 bun3 zung1 tau4 ji4 biu2 si6 bat1 mun5.
鍾意我哋嘅節目？記得share同subscribe呀！
zung1 ji3 ngo5 dei6 ge3 zit3 muk6? gei3 dak1 share tung4 subscribe aa3!
其他地區新聞。
台灣嘅第一艘自己製造嘅潛艇，上晝舉行下水禮，總統蔡英文主持儀式。呢艘潛艇嘅排水量係2500公噸，長70米，闊8米，下潛深度350米，可以攜帶18個美國MK-48重型魚雷，勁過現役嘅潛艇好多。北京表示，民進黨整埋曬呢啲武器，嘥曬台灣老百姓嘅錢，同時破壞埋台海嘅和平同穩定。
kei4 taa1 dei6 keoi1 san1 man4.
toi4 waan1 ge3 dai6 jat1 sau2 zi6 gei2 zai3 zou6 ge3 cim4 teng5, soeng6 zau3 geoi2 hang4 haa6 seoi2 lai5, zung2 tung2 coi3 jing1 man4 zyu2 ci4 ji4 sik1. ni1 sau2 cim4 teng5 ge3 paai4 seoi2 loeng6 hai6 2500 gung1 deon1, coeng4 70 mai5, fut3 8 mai5, haa6 cim4 sam1 dou6 350 mai5, ho2 ji5 kwai4 daai3 18 go3 mei5 gwok3 MK-48 cung5 jing4 jyu4 leoi4, ging6 gwo3 jin6 jik6 ge3 cim4 teng5 hou2 do1. bak1 ging1 biu2 si6, man4 zeon3 dong2 zing2 maai4 saai3 ni1 di1 mou5 hei3, saai1 saai3 toi4 waan1 lou5 baak3 sing3 ge3 cin2, tung4 si4 po3 waai6 maai4 toi4 hoi2 ge3 wo4 ping4 tung4 wan2 ding6.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.