歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年10月10號夜晚6點。
首先係香港新聞。
香港大學教務委員會，將會成立五個人嘅專責小組，處理同校長張翔有關嘅投訴，投訴係同獎學金直接存入校長辦公室持有嘅帳戶，豁免招標形式用二百幾萬請獵頭公司，同埋買咗一部成203萬港幣嘅寶馬有關。
ji4 gaa1 hai6 hoeng1 gong2 si4 gaan3 2023 nin4 10 jyut6 10 hou6 je6 maan5 6 dim2.
sau2 sin1 hai6 hoeng1 gong2 san1 man4.
hoeng1 gong2 daai6 hok6 gaau3 mou6 wai2 jyun4 wui2, zoeng1 wui5 sing4 lap6 ng5 go3 jan4 ge3 zyun1 zaak3 siu2 zou2, cyu5 lei5 tung4 haau6 zoeng2 zoeng1 coeng4 jau5 gwaan1 ge3 tau4 sou3, tau4 sou3 hai6 tung4 zoeng2 hok6 gam1 zik6 zip3 cyun4 jap6 haau6 zoeng2 baan6 gung1 sat1 ci4 jau5 ge3 zoeng3 wu6, kut3 min5 ziu1 biu1 jing4 sik1 jung6 ji6 baak3 gei2 maan6 ceng2 lip6 tau4 gung1 si1, tung4 maai4 maai5 zo2 jat1 bou6 seng4 203 maan6 gong2 bai6 ge3 bou2 maa5 jau5 gwaan1.
想學廣東話？快啲嚟跟我學啦！第一堂做緊半價添呀！名額有限。
soeng2 hok6 gwong2 dung1 waa2? faai3 di1 lai4 gan1 ngo5 hok6 laa1! dai6 jat1 tong4 zou6 gan2 bun3 gaa3 tim1 aa3! ming4 ngaak6 jau5 haan6.
其他地區新聞。
呢幾日嘅以巴衝突，已經造成1600人死亡，另外，有大約百幾人俾哈馬斯捉咗去加沙地帶。哈馬斯話，如果以色列軍再空襲加沙，就會每個鐘頭殺死一個人質，而佢哋已經準備好同以色列打一場好長嘅戰爭。美國國務卿布林肯話，美國會努力確保人質嘅安全。
澳洲前總理莫里森去咗台灣，探訪台灣總統蔡英文。佢話最近全世界發生緊好多事，除咗俄羅斯入侵烏克蘭嘅戰爭之外，又有以色列嘅恐怖攻擊。不過，佢話澳洲會堅定企喺台灣呢邊，震懾想侵略台灣嘅攻擊者。
kei4 taa1 dei6 keoi1 san1 man4.
ni1 gei2 jat6 ge3 ji5 baa1 cung1 dat6, ji5 ging1 zou6 sing4 1600 jan4 sei2 mong4, ling6 ngoi6, jau5 daai6 joek3 baak3 gei2 jan4 bei2 haa1 maa5 si1 zuk1 zo2 heoi3 gaa1 saa1 dei6 daai3. haa1 maa5 si1 waa6, jyu4 gwo2 ji5 sik1 lit6 gwan1 zoi3 hung1 zaap6 gaa1 saa1, zau6 wui5 mui5 go3 zung1 tau4 saat3 sei2 jat1 go3 jan4 zat1, ji4 keoi5 dei6 ji5 ging1 zeon2 bei6 hou2 tung4 ji5 sik1 lit6 daa2 jat1 coeng4 hou2 coeng4 ge3 zin3 zang1. mei5 gwok3 gwok3 mou6 hing1 bou3 lam4 hang2 waa6, mei5 gwok3 wui5 nou5 lik6 kok3 bou2 jan4 zi3 ge3 on1 cyun4.
ou3 zau1 cin4 zung2 lei5 mok6 lei5 sam1 heoi3 zo2 toi4 waan1, taam3 fong2 toi4 waan1 zung2 tung2 coi3 jing1 man4. keoi5 waa6 zeoi3 gan6 cyun4 sai3 gaai3 faat3 sang1 gan2 hou2 do1 si6, ceoi4 zo2 ngo4 lo4 si1 jap6 cam1 wu1 hak1 laan4 ge3 zin3 zang1 zi1 ngoi6, jau6 jau5 ji5 sik1 lit6 ge3 hung2 bou3 gung1 gik1. bat1 gwo3, keoi5 waa6 ou3 zau1 wui5 gin1 ding6 kei5 hai2 toi4 waan1 ni1 bin1, zan3 sip3 soeng2 cam1 loek6 toi4 waan1 ge3 gung1 gik1 ze2.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.