歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年10月27號夜晚6點半。
首先係香港新聞。
新一份嘅施政報告喺前日發表。政府宣佈，由前日起，只要父母其中一方係永久性居民，BB喺香港出世，就可以攞到兩萬蚊嘅生育獎勵。另外，樓市減辣，買家印花稅減一半，由15%減到7.5%，額外印花稅就由三年縮短至兩年，即係話買咗樓兩年之後賣樓就已經唔使交。除此之外，為咗要「搶人才」，政府會放寬越南、老撾同埋尼泊爾人申請香港嘅就業簽證。
Band 1 學校聖言中學，尋日有一名14歲嘅學生墮樓。學校已經安排老師同專家，同學生進行心理輔導。（撒瑪麗亞防止自殺會熱線：2389 2222）
ji4 gaa1 hai6 hoeng1 gong2 si4 gaan3 2023 nin4 10 jyut6 27 hou6 je6 maan5 6 dim2 bun3.
sau2 sin1 hai6 hoeng1 gong2 san1 man4.
san1 jat1 fan6 ge3 si1 zing3 bou3 gou3 hai2 cin4 jat6 faat3 biu2. zing3 fu2 syun1 bou3, jau4 cin4 jat6 hei2, zi2 jiu3 fu6 mou5 kei4 zung1 jat1 fong1 hai6 wing5 gau2 sing3 geoi1 man4, BB hai2 hoeng1 gong2 ceot1 sai3, zau6 ho2 ji5 lo2 dou2 loeng5 maan6 man1 ge3 sang1 juk6 zoeng2 lai6. ling6 ngoi6, lau4 si5 gaam2 laat6, maai5 gaa1 jan3 faa1 seoi3 gaam2 jat1 bun3, jau4 15% gaam2 dou3 7.5%, ngaak6 ngoi6 jan3 faa1 seoi3 zau6 jau4 saam1 nin4 suk1 dyun2 zi3 loeng5 nin4, zik1 hai6 waa6 maai5 zo2 lau2 loeng5 nin4 zi1 hau6 maai6 lau2 zau6 ji5 ging1 m4 sai2 gaau1. ceoi4 ci2 zi1 ngoi6, wai6 zo2 jiu3「 coeng2 jan4 coi4」, zing3 fu2 wui5 fong3 fun1 jyut6 naam4, lou5 wo1 tung4 maai4 nei4 bok6 ji5 jan4 san1 cing2 hoeng1 gong2 ge3 zau6 jip6 cim1 zing3.
Band 1 hok6 haau6 sing3 jin4 zung1 hok6, cam4 jat6 jau5 jat1 ming4 14 seoi3 ge3 hok6 saang1 do6 lau2. hok6 haau6 ji5 ging1 on1 paai4 lou5 si1 tung4 zyun1 gaa1, tung4 hok6 saang1 zeon3 hang4 sam1 lei5 fu6 dou6. (saat3 maa5 lai6 aa3 fong4 zi2 zi6 saat3 wui2 jit6 sin3: 2389 2222)
鍾意我哋嘅節目？不如share同埋subscribe吖！
zung1 ji3 ngo5 dei6 ge3 zit3 muk6? bat1 jyu4 share tung4 maai4 subscribe aa1!
其他地區新聞。
中國前總理李克強，喺今日凌晨，因為心臟病發喺上海病逝，終年68歲。佢喺今年3月卸任中國總理一職。佢曾經喺2011年以副總理身份訪問香港，同埋喺香港大學校慶典禮度演講。
kei4 taa1 dei6 keoi1 san1 man4.
zung1 gwok3 cin4 zung2 lei5 lei5 hak1 koeng4, hai2 gam1 jat6 ling4 san4, jan1 wai6 sam1 zong6 beng6 faat3 hai2 soeng6 hoi2 beng6 sai6, zung1 nin4 68 seoi3. keoi5 hai2 gam1 nin4 3 jyut6 se3 jam6 zung1 gwok3 zung2 lei5 jat1 zik1. keoi5 cang4 ging1 hai2 2011 nin4 ji5 fu3 zung2 lei5 san1 fan2 fong2 man6 hoeng1 gong2, tung4 maai4 hai2 hoeng1 gong2 daai6 hok6 haau6 hing3 din2 lai5 dou6 jin2 gong2.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.