Slow News 2023 01 01

歡迎收聽,廣東話新聞慢慢聽。[Mandarin] [English] 

由Tsubasa 阿翼報導新聞。

fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]  

jau4 Tsubasa aa3 jik6 bou3 dou6 san1 man4.

而家係香港時間2023年1月1號夜晚8點。

首先,我喺呢度祝大家新年快樂!

跟住係香港新聞。

尖沙咀海傍由尋晚開始到今日凌晨有跨年倒數活動,警察話有大約30萬人參加。

根據東方日報嘅報導,今日凌晨十二點左右,好多地區,例如屯門、元朗、葵涌、土瓜灣等等,都有人非法放煙花。非法放煙花最高嘅懲罰係罰款2萬5千蚊同埋監禁6個月。大家千祈唔好咁做呀。

ji4 gaa1 hai6 hoeng1 gong2 si4 gaan3 2023 nin41 jyut6 1 hou6 je6 maan5 8 dim2.

sau2 sin1, ngo5 hai2 ni1 dou6 zuk1 daai6 gaa1 san1 nin4 faai3 lok6!

gan1 zyu6 hai6 hoeng1 gong2 san1 man4.

zim1 saa1 zeoi2 hoi2 pong4 jau4 cam4 maan5 hoi1 ci2 dou3 gam1 jat6 ling4 san4 jau5 kwaa3 nin4 dou3 sou2 wut6 dung6, ging2 caat3 waa6 jau5 daai6 joek3 30 maan6 jan4 caam1 gaa1.

gan1 geoi3 dung1 fong1 jat6 bou3 ge3 bou3 dou6, gam1 jat6 ling4 san4 sap6 ji6 dim2 zo2 jau2, hou2 do1 dei6 keoi1, lai6 jyu4 tyun4 mun4, jyun4 long5, kwai4 cung1, tou2 gwaa1 waan4 dang2 dang2, dou1 jau5 jan4 fei1 faat3 fong3 jin1 faa1. fei1 faat3 fong3 jin1 faa1 zeoi3 gou1 ge3 cing4 fat6 hai6 fat6 fun2 2 maan6 5 cin1 man1 tung4 maai4 gaam1 gam3 6 go3 jyut6. daai6 gaa1 cin1 kei4 m4 hou2 gam2 zou6 aa3.

我嘅日本學生,義務幫我將一啲新聞轉做YouTube Shorts,你可以邊聽新聞邊學中文字同粵拼。請大家多多捧場!

ngo5 ge3 jat6 bun2 hok6 saang1, ji6 mou6 bong1 ngo5 zoeng1 jat1 di1 san1 man2 zyun3 zou6 YouTube Shorts, nei5 ho2 ji5 bin1 teng1 san1 man2 bin1 hok6 zung1 man4 zi6 tung4 jyut6 ping3. cing2 daai6 gaa1 do1 do1 pung2 coeng4!

其他地區新聞。

加拿大同埋澳洲,由一月五號開始,要求所有由中國內地,香港同澳門嘅旅客,提供登機前48小時嘅COVID-19檢測陰性證明。

摩洛哥亦宣布,由後日起,禁止所有中國旅客入境。目前為止,已經有唔少國家對中國嚟嘅旅客實施某程度嘅限制。

kei4 taa1 dei6 keoi1 san1 man4.

gaa1 naa4 daai6 tung4 maai4 ou3 zau1, jau4 jat1 jyut6 ng5 hou6 hoi1 ci2, jiu1 kau4 so2 jau5 jau4 zung1 gwok3 noi6 dei6, hoeng1 gong2 tung4 ou3 mun2 ge3 leoi5 haak3, tai4 gung1 dang1 gei1 cin4 48 siu2 si4 ge3 COVID-19 gim2 cak1 jam1 sing3 zing3 ming4.

mo1 lok3 go1 jik6 syun1 bou3, jau4 hau6 jat6 hei2, gam3 zi2 so2 jau5 zung1 gwok3 leoi5 haak3 jap6 ging2. muk6 cin4 wai4 zi2, ji5 ging1 jau5 m4 siu2 gwok3 gaa1 deoi3 zung1 gwok3 lai4 ge3 leoi5 haak3 sat6 si1 mau5 cing4 dou6 ge3 haan6 zai3.

如果你想睇返今日podcast內容嘅transcript,可以去我個網站,3個w . tsubasa cantonese . com下載。

今日嘅新聞係由香港電台、商業電台、南華早報同埋自由時報提供。

多謝收聽。

jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.

gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.

do1 ze6 sau1 teng1.