歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年3月13號下晝5點。
首先係香港新聞。
政府會喺下個月16號開始發放第一期嘅3000蚊電子消費券俾合資格嘅香港居民，淨返嘅2000蚊將會喺7月16號發放埋。之前已經攞過消費券嘅市民，會自動攞到消費券，唔使登記多一次。不過，財政司司長陳茂波話，下年唔一定會再派消費券。
ji4 gaa1 hai6 hoeng1 gong2 si4 gaan3 2023 nin4 3 jyut6 13 hou6 haa6 zau3 5 dim2.
sau2 sin1 hai6 hoeng1 gong2 san1 man4.
zing3 fu2 wui5 hai2 haa6 go3 jyut6 16 hou6 hoi1 ci2 faat3 fong3 dai6 jat1 kei4 ge3 3000 man1 din6 zi2 siu1 fai3 hyun3/gyun3 bei2 hap6 zi1 gaak3 ge3 hoeng1 gong2 geoi1 man4, zing6 faan1 ge3 2000 man1 zoeng1 wui5 hai2 7 jyut6 16 hou6 faat3 fong3 maai4. zi1 cin4 ji5 ging1 lo2 gwo3 siu1 fai3 hyun3/gyun3 ge3 si5 man4, wui5 zi6 dung6 lo2 dou2 siu1 fai3 hyun3/gyun3, m4 sai2 dang1 gei3 do1 jat1 ci3. bat1 gwo3, coi4 zing3 si1 si1 zoeng2 can4 mau6 bo1 waa6, haa6 nin2 m4 jat1 ding6 wui5 zoi3 paai3 siu1 fai3 hyun3/gyun3.
如果你對我哋嘅節目有任何建議，記得同我哋講呀！另外，多謝你請我飲咖啡。我喺呢度邀請你報名參加我嘅線上課程，第一堂只不過係16.8美金咋！
jyu4 gwo2 nei5 deoi3 ngo5 dei6 ge3 zit3 muk6 jau5 jam6 ho4 gin3 ji5, gei3 dak1 tung4 ngo5 dei6 gong2 aa3! ling6 ngoi6, do1 ze6 nei5 ceng2 ngo5 jam2 gaa3 fe1. ngo5 hai2 ni1 dou6 jiu1 cing2 nei5 bou3 meng2 caam1 gaa1 ngo5 ge3 sin3 soeng6 fo3 cing4, dai6 jat1 tong4 zi2 bat1 gwo3 hai6 16.8 mei5 gam1 zaa3!
其他地區新聞。
美國嘅矽谷銀行（SVB）喺3月10號倒閉，呢件事影響到其他國家。矽谷銀行嘅英國子公司可能會破產。另外，矽谷銀行已經俾接管佢嘅聯邦存款保險公司（FDIC）拍賣緊，喺星期日會有結果。香港金管局話，矽谷銀行喺香港冇任何銀行嘅業務，不過都會繼續關注事件嘅發展。
喺中國，十四屆全國人大一次會議喺北京閉幕，國家主席習近平話，要紮實推進「一國兩制」實踐同埋祖國統一大業，堅定不移貫徹「一國兩制」、「港人治港」、「澳人治澳」、高度自治嘅方針。佢又話，要堅持一個中國原則同埋「九二共識」，堅決反對「台獨」同埋堅定不移推動祖國統一嘅進程。
kei4 taa1 dei6 keoi1 san1 man4.
mei5 gwok3 ge3 zik6 guk1 ngan4 hong4(SVB) hai2 3 jyut6 10 hou6 dou2 bai3, ni1 gin6 si6 jing2 hoeng2 dou3 kei4 taa1 gwok3 gaa1. zik6 guk1 ngan4 hong4 ge3 jing1 gwok3 zi2 gung1 si1 ho2 nang4 wui5 po3 caan2. ling6 ngoi6, zik6 guk1 ngan4 hong4 ji5 ging1 bei2 zip3 gun2 keoi5 ge3 lyun4 bong1 cyun4 fun2 bou2 him2 gung1 si1(FDIC) paak3 maai6 gan2, hai2 sing1 kei4 jat6 wui5 jau5 git3 gwo2. hoeng1 gong2 gam1 gun2 guk2 waa6, zik6 guk1 ngan4 hong4 hai2 hoeng1 gong2 mou5 jam6 ho4 ngan4 hong4 ge3 jip6 mou6, bat1 gwo3 dou1 wui5 gai3 zuk6 gwaan1 zyu3 si6 gin6 ge3 faat3 zin2.
hai2 zung1 gwok3, sap6 sei3 gaai3 cyun4 gwok3 jan4 daai6 jat1 ci3 wui6 ji5 hai2 bak1 ging1 bai3 mok6, gwok3 gaa1 zyu2 zik6 zaap6 gan6 ping4 waa6, jiu3 zaat3 sat6 teoi1 zeon3「 jat1 gwok3 loeng5 zai3」 sat6 cin5 tung4 maai4 zou2 gwok3 tung2 jat1 daai6 jip6, gin1 ding6 bat1 ji4 gun3 cit3「 jat1 gwok3 loeng5 zai3」,「 gong2 jan4 zi6 gong2」,「 ou3 jan4 zi6 ou3」, gou1 dou6 zi6 zi6 ge3 fong1 zam1. keoi5 jau6 waa6, jiu3 gin1 ci4 jat1 go3 zung1 gwok3 jyun4 zak1 tung4 maai4「 gau2 ji6 gung6 sik1」, gin1 kyut3 faan2 deoi3「 toi4 duk6」 tung4 maai4 gin1 ding6 bat1 ji4 teoi1 dung6 zou2 gwok3 tung2 jat1 ge3 zeon3 cing4.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.