歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年4月9號夜晚11點半點。
首先係香港新聞。
九龍城嘅潑水節，因為疫情停咗三年，今年復辦，慶祝泰曆新年。有好多市民用水槍同水桶互相潑水，小朋友話玩得好開心，但係有餐廳老闆話，潑水節對生意冇乜幫助。民政及青年事務局局長麥美娟就話，希望潑水節嘅復辦，可以加深大家對九龍城「小泰國」嘅認識，再帶動九龍城嘅經濟活動。
ji4 gaa1 hai6 hoeng1 gong2 si4 gaan3 2023 nin4 4 jyut6 9 hou6 je6 maan5 11 dim2 bun3 dim2.
sau2 sin1 hai6 hoeng1 gong2 san1 man4.
gau2 lung4 sing4 ge3 put3 seoi2 zit3, jan1 wai6 jik6 cing4 ting4 zo2 saam1 nin4, gam1 nin4 fuk6 baan6, hing3 zuk1 taai3 lik6 san1 nin4. jau5 hou2 do1 si5 man4 jung6 seoi2 coeng1 tung4 seoi2 tung2 wu6 soeng1 put3 seoi2, siu2 pang4 jau5 waa6 waan2 dak1 hou2 hoi1 sam1, daan6 hai6 jau5 caan1 teng1 lou5 baan2 waa6, put3 seoi2 zit3 deoi3 saang1 ji3 mou5 mat1 bong1 zo6. man4 zing3 kap6 cing1 nin4 si6 mou6 guk6 guk6 zoeng2 mak6 mei5 gyun1 zau6 waa6, hei1 mong6 put3 seoi2 zit3 ge3 fuk6 baan6, ho2 ji5 gaa1 sam1 daai6 gaa1 deoi3 gau2 lung4 sing4「 siu2 taai3 gwok3」 ge3 jing6 sik1, zoi3 daai3 dung6 gau2 lung4 sing4 ge3 ging1 zai3 wut6 dung6.
如果你對我哋嘅節目有任何建議，記得同我哋講呀！另外，多謝你請我飲咖啡。我喺呢度邀請你報名參加我嘅線上課程，第一堂只不過係16.8美金咋！
jyu4 gwo2 nei5 deoi3 ngo5 dei6 ge3 zit3 muk6 jau5 jam6 ho4 gin3 ji5, gei3 dak1 tung4 ngo5 dei6 gong2 aa3! ling6 ngoi6, do1 ze6 nei5 ceng2 ngo5 jam2 gaa3 fe1. ngo5 hai2 ni1 dou6 jiu1 cing2 nei5 bou3 meng2 caam1 gaa1 ngo5 ge3 sin3 soeng6 fo3 cing4, dai6 jat1 tong4 zi2 bat1 gwo3 hai6 16.8 mei5 gam1 zaa3!
其他地區新聞。
中國解放軍第二日喺台灣附近進行環島軍事演習，回應台灣總統蔡英文過境美國。佢哋嘅護衛艦「徐州艦」同埋中國製嘅航空母艦「山東艦」都有參加呢次演習。台灣國防部話，佢哋喺度嚴密監控緊中國呢次嘅演習。台灣總統蔡英文話，台灣會同世界上所有熱愛民主嘅朋友一齊確保區域嘅穩定
另外，台灣嘅民進黨將會喺星期三正式提名黨主席，即係副總統賴清德參選下年1月嘅總統選舉。賴清德曾經表示過，台灣係主權獨立嘅國家，個名叫中華民國。
kei4 taa1 dei6 keoi1 san1 man4.
zung1 gwok3 gaai2 fong3 gwan1 dai6 ji6 jat6 hai2 toi4 waan1 fu6 gan6 zeon3 hang4 waan4 dou2 gwan1 si6 jin2 zaap6, wui4 jing3 toi4 waan1 zung2 tung2 coi3 jing1 man4 gwo3 ging2 mei5 gwok3. keoi5 dei6 ge3 wu6 wai6 laam6「 ceoi4 zau1 laam6」 tung4 maai4 zung1 gwok3 zai3 ge3 hong4 hung1 mou5 laam6「 saan1 dung1 laam6」 dou1 jau5 caam1 gaa1 ni1 ci3 jin2 zaap6. toi4 waan1 gwok3 fong4 bou6 waa6, keoi5 dei6 hai2 dou6 jim4 mat6 gaam1 hung3 gan2 zung1 gwok3 ni1 ci3 ge3 jin2 zaap6. toi4 waan1 zung2 tung2 coi3 jing1 man4 waa6, toi4 waan1 wui5 tung4 sai3 gaai3 soeng6 so2 jau5 jit6 oi3 man4 zyu2 ge3 pang4 jau5 jat1 cai4 kok3 bou2 keoi1 wik6 ge3 wan2 ding6.
ling6 ngoi6, toi4 waan1 ge3 man4 zeon3 dong2 zoeng1 wui5 hai2 sing1 kei4 saam1 zing3 sik1 tai4 ming4 dong2 zyu2 zik6, zik1 hai6 fu3 zung2 tung2 laai6 cing1 dak1 caam1 syun2 haa6 nin2 1 jyut6 ge3 zung2 tung2 syun2 geoi2. laai6 cing1 dak1 cang4 ging1 biu2 si6 gwo3, toi4 waan1 hai6 zyu2 kyun4 duk6 lap6 ge3 gwok3 gaa1, go3 ming4 giu3 zung1 waa4 man4 gwok3.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.