歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年5月7號傍晚6點。
首先係香港新聞。
沙田乙明邨發生懷疑誤殺同埋藏有危險藥物嘅案件，一個69歲嘅男保安員死咗，一個29歲嘅私家車男司機被捕。警察話喺案發之前幾分鐘，佢哋因為繳費嘅問題發生肢體嘅碰撞，司機係時租嘅客戶。警察喺私家車裡面搵到大約2克嘅懷疑係大麻嘅嘢。
警察收到日本警察嘅通知，證實有一個由香港潛逃咗去日本嘅男人死咗，呢個男人係同之前喺葵芳閣發生嘅一宗謀殺同爆竊案有關。今年嘅3月14號，有人發現自己嘅63歲同居女友倒斃喺屋企度，於是報警。警察懷疑呢件案係同死者嘅一個同層鄰居有關。佢喺案發當日搭飛機離開香港去日本。
ji4 gaa1 hai6 hoeng1 gong2 si4 gaan3 2023 nin4 5 jyut6 7 hou6 pong4 maan5 6 dim2.
sau2 sin1 hai6 hoeng1 gong2 san1 man4.
saa1 tin4 jyut3 ming4 cyun1 faat3 sang1 waai4 ji4 ng6 saat3 tung4 maai4 cong4 jau5 ngai4 him2 joek6 mat6 ge3 on3 gin6, jat1 go3 69 seoi3 ge3 naam4 bou2 on1 jyun4 sei2 zo2, jat1 go3 29 seoi3 ge3 si1 gaa1 ce1 naam4 si1 gei1 bei6 bou6. ging2 caat3 waa6 hai2 on3 faat3 zi1 cin4 gei2 fan1 zung1, keoi5 dei6 jan1 wai6 giu2 fai3 ge3 man6 tai4 faat3 sang1 zi1 tai2 ge3 pung3 zong6, si1 gei1 hai6 si4 zou1 ge3 haak3 wu6. ging2 caat3 hai2 si1 gaa1 ce1 leoi5 min6 wan2 dou2 daai6 joek3 2 hak1 ge3 waai4 ji4 hai6 daai6 maa4 ge3 je5.
ging2 caat3 sau1 dou2 jat6 bun2 ging2 caat3 ge3 tung1 zi1, zing3 sat6 jau5 jat1 go3 jau4 hoeng1 gong2 cim4 tou4 zo2 heoi3 jat6 bun2 ge3 naam4 jan2 sei2 zo2, ni1 go3 naam4 jan2 hai6 tung4 zi1 cin4 hai2 kwai4 fong1 gok3 faat3 sang1 ge3 jat1 zung1 mau4 saat3 tung4 baau3 sit3 on3 jau5 gwaan1. gam1 nin4 ge3 3 jyut6 14 hou6, jau5 jan4 faat3 jin6 zi6 gei2 ge3 63 seoi3 tung4 geoi1 neoi5 jau5 dou2 bai6 hai2 uk1 kei2 dou6, jyu1 si6 bou3 ging2. ging2 caat3 waai4 ji4 ni1 gin6 on3 hai6 tung4 sei2 ze2 ge3 jat1 go3 tung4 cang4 leon4 geoi1 jau5 gwaan1. keoi5 hai2 on3 faat3 dong1 jat6 daap3 fei1 gei1 lei4 hoi1 hoeng1 gong2 heoi3 jat6 bun2.
如果你鍾意廣東話新聞慢慢聽呢個節目，不如share俾其他學緊廣東話嘅朋友一齊聽吖！
jyu4 gwo2 nei5 zung1 ji3 gwong2 dung1 waa2 san1 man4 maan6 maan2 teng1 ni1 go3 zit3 muk6, bat1 jyu4 share bei2 kei4 taa1 hok6 gan2 gwong2 dung1 waa2 ge3 pang4 jau5 jat1 cai4 teng1 aa1!
其他地區新聞。
尋日喺英國，英王查理斯三世嘅加冕典禮，喺西敏寺舉行咗兩個鐘頭。除咗查理斯三世之外，佢嘅現任太太，即係王后卡米拉都獲得加冕。典禮結束之後，佢哋坐黃金馬車進行加冕巡遊。返到白金漢宮之後，佢哋喺露台同民眾揮手。
kei4 taa1 dei6 keoi1 san1 man4.
cam4 jat6 hai2 jing1 gwok3, jing1 wong4 caa4 lei5 si1 saam1 sai3 ge3 gaa1 min5 din2 lai5, hai2 sai1 man5 zi6 geoi2 hang4 zo2 loeng5 go3 zung1 tau4. ceoi4 zo2 caa4 lei5 si1 saam1 sai3 zi1 ngoi6, keoi5 ge3 jin6 jam6 taai3 taai2, zik1 hai6 wong4 hau6 kaa1 mai5 laai1 dou1 wok6 dak1 gaa1 min5. din2 lai5 git3 cuk1 zi1 hau6, keoi5 dei6 co5 wong4 gam1 maa5 ce1 zeon3 hang4 gaa1 min5 ceon4 jau4. faan1 dou3 baak6 gam1 hon3 gung1 zi1 hau6, keoi5 dei6 hai2 lou6 toi4 tung4 man4 zung3 fai1 sau2.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.