歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年6月7號下晝4點。
香港新聞。
行政會議建議，中、低層公務員加人工4.65%，首長級同埋高層公務員加2.87%，生效日期會追溯至今年4月1號。高級公務員評議會職方代表話，各級嘅公務員應該劃一加4.65%人工。
律政司入稟高等法院申請禁制令，禁止公眾播放2019年反修例歌曲《願榮光歸香港》。呢首歌因為曾經喺一啲國際運動比賽裡面播錯咗做國歌，而引起香港政府嘅不滿。
ji4 gaa1 hai6 hoeng1 gong2 si4 gaan3 2023 nin4 6 jyut6 7 hou6 haa6 zau3 4 dim2.
hoeng1 gong2 san1 man4.
hang4 zing3 wui6 ji5 gin3 ji5, zung1, dai1 cang4 gung1 mou6 jyun4 gaa1 jan4 gung1 4.65%, sau2 zoeng2 kap1 tung4 maai4 gou1 cang4 gung1 mou6 jyun4 gaa1 2.87%, sang1 haau6 jat6 kei4 wui5 zeoi1 sok3 zi3 gam1 nin4 4 jyut6 1 hou6. gou1 kap1 gung1 mou6 jyun4 ping4 ji5 wui2 zik1 fong1 doi6 biu2 waa6, gok3 kap1 ge3 gung1 mou6 jyun4 jing1 goi1 waak6 jat1 gaa1 4.65% jan4 gung1.
leot6 zing3 si1 jap6 ban2 gou1 dang2 faat3 jyun2 san1 cing2 gam3 zai3 ling6, gam3 zi2 gung1 zung3 bo3 fong3 2019 nin4 faan2 sau1 lai6 go1 kuk1《 jyun6 wing4 gwong1 gwai1 hoeng1 gong2》. ni1 sau2 go1 jan1 wai6 cang4 ging1 hai2 jat1 di1 gwok3 zai3 wan6 dung6 bei2 coi3 leoi5 min6 bo3 co3 zo2 zou6 gwok3 go1, ji4 jan5 hei2 hoeng1 gong2 zing3 fu2 ge3 bat1 mun5.
如果你鍾意廣東話新聞慢慢聽呢個節目，不如share俾其他學緊廣東話嘅朋友一齊聽吖！想跟我學廣東話？而家就嚟報名啦！
jyu4 gwo2 nei5 zung1 ji3 gwong2 dung1 waa2 san1 man4 maan6 maan2 teng1ni1 go3 zit3 muk6, bat1 jyu4 share bei2 kei4 taa1 hok6 gan2 gwong2 dung1 waa2 ge3 pang4 jau5 jat1 cai4 teng1 aa1! soeng2 gan1 ngo5 hok6 gwong2 dung1 waa2? ji4 gaa1 zau6 lai4 bou3 meng2 laa1!
鑽石山荷里活廣場嘅兇殺案，有精神病背景嘅39歲嘅男人被控告兩項謀殺罪，星期一喺觀塘裁判法院提堂。遇害嘅係兩個分別為22同埋26歲嘅女仔，佢哋兩個喺六月二號喺荷里活廣場俾疑犯用刀襲擊，身中多刀，送到聯合醫院搶救後不治。警察話，疑兇喺唔識呢兩名死者嘅。
zyun3 sek6 saan1 ho4 lei5 wut6 gwong2 coeng4 ge3 hung1 saat3 on3, jau5 zing1 san4 beng6 bui3 ging2 ge3 39 seoi3 ge3 naam4 jan2 bei6 hung3 gou3 loeng5 hong6 mau4 saat3 zeoi6, sing1 kei4 jat1 hai2 gun1 tong4 coi4 pun3 faat3 jyun2 tai4 tong4. jyu6 hoi6 ge3 hai6 loeng5 go3 fan1 bit6 wai4 22 tung4 maai4 26 seoi3 ge3 neoi5 zai2, keoi5 dei6 loeng5 go3 hai2 luk6 jyut6 ji6 hou6 hai2 ho4 lei5 wut6 gwong2 coeng4 bei2 ji4 faan2 jung6 dou1 zaap6 gik1, san1 zung1 do1 dou1, sung3 dou3 lyun4 hap6 ji1 jyun2 coeng2 gau3 hau6 bat1 zi6. ging2 caat3 waa6, ji4 hung1 hai2 m4 sik1 ni1 loeng5 ming4 sei2 ze2 ge3.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.