歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年8月27號夜晚7點。
首先係香港新聞。
政府而家喺度積極研究點樣「搞活」夜市。噚日財政司司長陳茂波呼籲參加嘉年華嘅市民食完晚飯之後「飲多杯先返屋企」，話「星期六夜少少都無所謂」。另外行政長官李家超就喺今日嘅施政報告諮詢會話，政府會爭取喺中秋節推出夜間活動，「搞活」同埋「搞旺」夜經濟。
日本福島排放核污水之後，政府已經禁止日本10個地方嘅水產品入口香港。環境及生態局局長話，如果日本其他地方進口香港食物嘅輻射量超標，就可能會擴大禁止嘅範圍，但係機會唔大。
ji4 gaa1 hai6 hoeng1 gong2 si4 gaan3 2023 nin4 8 jyut6 27 hou6 je6 maan5 7 dim2.
sau2 sin1 hai6 hoeng1 gong2 san1 man4.
zing3 fu2 ji4 gaa1 hai2 dou6 zik1 gik6 jin4 gau3 dim2 joeng2「 gaau2 wut6」 je6 si5. cam4 jat6 coi4 zing3 si1 si1 zoeng2 can4 mau6 bo1 fu1 jyu6 caam1 gaa1 gaa1 nin4 waa4 ge3 si5 man4 sik6 jyun4 maan5 faan6 zi1 hau6「 jam2 do1 bui1 sin1 faan1 uk1 kei2」, waa6「 sing1 kei4 luk6 je6 siu2 siu2 dou1 mou4 so2 wai6」. ling6 ngoi6 hang4 zing3 zoeng2 gun1 lei5 gaa1 ciu1 zau6 hai2 gam1 jat6 ge3 si1 zing3 bou3 gou3 zi1 seon1 wui6 waa2, zing3 fu2 wui5 zang1 ceoi2 hai2 zung1 cau1 zit3 teoi1 ceot1 je6 gaan1 wut6 dung6,「 gaau2 wut6」 tung4 maai4「 gaau2 wong6」 je6 ging1 zai3.
jat6 bun2 fuk1 dou2 paai4 fong3 hat6 wu1 seoi2 zi1 hau6, zing3 fu2 ji5 ging1 gam3 zi2 jat6 bun2 10 go3 dei6 fong1 ge3 seoi2 caan2 ban2 jap6 hau2 hoeng1 gong2. waan4 ging2 kap6 sang1 taai3 guk6 guk6 zoeng2 waa6, jyu4 gwo2 jat6 bun2 kei4 taa1 dei6 fong1 zeon3 hau2 hoeng1 gong2 sik6 mat6 ge3 fuk1 se6 loeng6 ciu1 biu1, zau6 ho2 nang4 wui5 kwong3 daai6 gam3 zi2 ge3 faan6 wai4, daan6 hai6 gei1 wui6 m4 daai6.
鍾意我哋嘅節目？記得share同subscribe呀！
zung1 ji3 ngo5 dei6 ge3 zit3 muk6? gei3 dak1 share tung4 subscribe aa3!
其他地區新聞。
喺俄羅斯，瓦格納集團創辦人普里戈任之前遭遇空難死亡嘅事件，俄羅斯總統普京話同佢喺無關嘅。佢慰問咗普里戈任同埋其他遇難者嘅家屬，同時讚揚普里戈任係一個好出息嘅生意人，而佢嘅瓦格納集團有好大嘅貢獻。
kei4 taa1 dei6 keoi1 san1 man4.
hai2 ngo4 lo4 si1, ngaa5 gaak3 naap6 zaap6 tyun4 cong3 baan6 jan4 pou2 lei5 gwo1 jam6 zi1 cin4 zou1 jyu6 hung1 naan4 sei2 mong4 ge3 si6 gin6, ngo4 lo4 si1 zung2 tung2 pou2 ging1 waa6 tung4 keoi5 hai2 mou4 gwaan1 ge3. keoi5 wai3 man6 zo2 pou2 lei5 gwo1 jam6 tung4 maai4 kei4 taa1 jyu6 naan4 ze2 ge3 gaa1 suk6, tung4 si4 zaan3 joeng4 pou2 lei5 gwo1 jam6 hai6 jat1 go3 hou2 ceot1 sik1 ge3 saang1 ji3 jan4, ji4 keoi5 ge3 ngaa5 gaak3 naap6 zaap6 tyun4 jau5 hou2 daai6 ge3 gung3 hin3.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.