歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2022年12月25號下晝5點。
今日係聖誕節，我喺呢度祝各位聽眾聖誕快樂，新年進步！
首先係香港新聞。
尋晚係平安夜，有好多人去咗中環嘅蘭桂坊過聖誕。有市民認為，今年條街嘅人多咗，係有COVID-19疫情以嚟，最有節日氣氛嘅一個聖誕。但係，亦有人話，今年嘅聖誕燈飾冇舊年咁多，氣氛差過舊年。
ji4 gaa1 hai6 hoeng1 gong2 si4 gaan3 2022 nin4 12 jyut6 25 hou6 haa6 zau3 5 dim2.
gam1 jat6 hai6 sing3 daan3 zit3, ngo5 hai2 ni1 dou6 zuk1 gok3 wai2 ting3 zung3 sing3 daan3 faai3 lok6, san1 nin4 zeon3 bou6!
sau2 sin1 hai6 hoeng1 gong2 san1 man4.
cam4 maan5 hai6 ping4 on1 je6, jau5 hou2 do1 jan4 heoi3 zo2 zung1 waan4 ge3 laan4 gwai3 fong1 gwo3 sing3 daan3. jau5 si5 man4 jing6 wai4, gam1 nin2 tiu4 gaai1 ge3 jan4 do1 zo2, hai6 jau5 COVID-19 jik6 cing4 ji5 lai4, zeoi3 jau5 zit3 jat6 hei3 fan1 ge3 jat1 go3 sing3 daan3. daan6 hai6, jik6 jau5 jan4 waa6, gam1 nin2 ge3 sing3 daan3 dang1 sik1 mou5 gau6 nin2 gam3 do1, hei3 fan1 caa1 gwo3 gau6 nin2.
冇人同你練習廣東話？報名參加我嘅1對1線上課程啦！支持我嘅你，請記得請我飲咖啡呀！多謝你先！
mou5 jan4 tung4 nei5 lin6 zaap6 gwong2 dung1 waa2? bou3 meng2 caam1 gaa1 ngo5 ge31 deoi3 1 sin3 soeng6 fo3 cing4 laa1! zi1 ci4 ngo5 ge3 nei5, cing2 gei3 dak1 ceng2 ngo5 jam2 gaa3 fe1 aa3! do1 ze6 nei5 sin1!
其他地區新聞。
澳門由前日起取消香港人同外國人入境落地核酸檢測、「紅碼」同埋第三日嘅核酸檢測。來往香港同澳門嘅直通巴士港澳快線，已經喺尋日恢復行駛。來往兩地嘅船噴射飛航，就要等到政府重開碼頭，先至會復航。有市民話好開心，因為等咗三年，終於可以見返澳門嘅朋友。
日本北海道落緊大雪，已經由上個禮拜四落到而家。目前已經有14死87傷。另外，因為大雪導致大約2萬戶停電。身處北海道嘅聽眾請注意安全。
kei4 taa1 dei6 keoi1 san1 man4.
ou3 mun2 jau4 cin4 jat6 hei2 ceoi2 siu1 hoeng1 gong2 jan4 tung4 ngoi6 gwok3 jan4 jap6 ging2 lok6 dei6 hat6 syun1 gim2 cak1,「 hung4 maa5」 tung4 maai4 dai6 saam1 jat6 ge3 hat6 syun1 gim2 cak1. loi4 wong5 hoeng1 gong2 tung4 ou3 mun2 ge3 zik6 tung1 baa1 si2 gong2 ou3 faai3 sin3, ji5 ging1 hai2 cam4 jat6 fui1 fuk6 hang4 sai2. loi4 wong5 loeng5 dei6 ge3 syun4 pan3 se6 fei1 hong4, zau6 jiu3 dang2 dou3 zing3 fu2 cung4 hoi1 maa5 tau4, sin1 zi3 wui5 fuk6 hong4. jau5 si5 man4 waa6 hou2 hoi1 sam1, jan1 wai6 dang2 zo2 saam1 nin4, zung1 jyu1 ho2 ji5 gin3 faan1 ou3 mun2 ge3 pang4 jau5.
jat6 bun2 bak1 hoi2 dou6 lok6 gan2 daai6 syut3, ji5 ging1 jau4 soeng6 go3 lai5 baai3 sei3 lok6 dou3 ji4 gaa1. muk6 cin4 ji5 ging1 jau5 14 sei2 87 soeng1. ling6 ngoi6, jan1 wai6 daai6 syut3 dou6 zi3 daai6 joek3 2 maan6 wu6 ting4 din6. san1 cyu3 bak1 hoi2 dou6 ge3 ting3 zung3 cing2 zyu3 ji3 on1 cyun4.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.