歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年2月17號夜晚7點。
首先係香港新聞。
香園圍管制站由今日起，淨係俾已經預約咗嘅車泊喺公眾停車場，即係話，唔可以再即興揸車經香園圍去中國內地。另外，由下星期五開始，時租、日租同埋夜租嘅收費分別加到15蚊、150蚊同80蚊。過咗鐘嘅話，頭兩個鐘每個鐘60蚊，之後每個鐘75蚊，貴過正常收費好多。政府話，佢哋會研究點樣可以永久咁增加公共停車場嘅車位。
根據香港01嘅報導，尋日係農曆正月廿六，觀音開庫俾信徒「借錢」。喺紅磡嘅觀音廟，頭兩個鐘已經有至少200人排隊。觀音開庫之前因為疫情而停咗。
有線電視還返本地收費電視服務嘅牌照俾政府，佢哋會喺6月停播。有線電視係香港嘅收費電視，喺1993年啟播。佢哋係第一間提供24小時報導即時新聞嘅香港電視台
ji4 gaa1 hai6 hoeng1 gong2 si4 gaan3 2023 nin4 2 jyut6 17 hou6 je6 maan5 7 dim2.
sau2 sin1 hai6 hoeng1 gong2 san1 man4.
hoeng1 jyun4 wai4 gun2 zai3 zaam6 jau4 gam1 jat6 hei2, zing6 hai6 bei2 ji5 ging1 jyu6 joek3 zo2 ge3 ce1 paak3 hai2 gung1 zung3 ting4 ce1 coeng4, zik1 hai6 waa6, m4 ho2 ji5 zoi3 zik1 hing3 zaa1 ce1 ging1 hoeng1 jyun4 wai4 heoi3 zung1 gwok3 noi6 dei6. ling6 ngoi6, jau4 haa6 sing1 kei4 ng5 hoi1 ci2, si4 zou1, jat6 zou1 tung4 maai4 je6 zou1 ge3 sau1 fai3 fan1 bit6 gaa1 dou3 15 man1,150 man1 tung4 80 man1. gwo3 zo2 zung1 ge3 waa2, tau4 loeng5 go3 zung1 mui5 go3 zung1 60 man1, zi1 hau6 mui5 go3 zung1 75 man1, gwai3 gwo3 zing3 soeng4 sau1 fai3 hou2 do1. zing3 fu2 waa6, keoi5 dei6 wui5 jin4 gau3 dim2 joeng2 ho2 ji5 wing5 gau2 gam2 zang1 gaa1 gung1 gung6 ting4 ce1 coeng4 ge3 ce1 wai2.
gan1 geoi3 hoeng1 gong2 01 ge3 bou3 dou6, cam4 jat6 hai6 nung4 lik6 zing1 jyut6 jaa6 luk6, gun1 jam1 hoi1 fu3 bei2 seon3 tou4「 ze3 cin2」. hai2 hung4 ham3 ge3 gun1 jam1 miu2, tau4 loeng5 go3 zung1 ji5 ging1 jau5 zi3 siu2 200 jan4 paai4 deoi2. gun1 jam1 hoi1 fu3 zi1 cin4 jan1 wai6 jik6 cing4 ji4 ting4 zo2.
jau5 sin3 din6 si6 waan4 faan1 bun2 dei6 sau1 fai3 din6 si6 fuk6 mou6 ge3 paai4 ziu3 bei2 zing3 fu2, keoi5 dei6 wui5 hai2 6 jyut6 ting4 bo3. jau5 sin3 din6 si6 hai6 hoeng1 gong2 ge3 sau1 fai3 din6 si6, hai2 1993 nin4 kai2 bo3. keoi5 dei6 hai6 dai6 jat1 gaan1 tai4 gung1 24 siu2 si4 bou3 dou6 zik1 si4 san1 man4 ge3 hoeng1 gong2 din6 si6 toi4.
如果對我哋嘅節目有任何意見，記得同我哋講呀！另外，多謝你哋請我飲咖啡，同埋歡迎你哋報名參加我嘅線上課程。
jyu4 gwo2 deoi3 ngo5 dei6 ge3 zit3 muk6 jau5 jam6 ho4 ji3 gin3, gei3 dak1 tung4 ngo5 dei6 gong2 aa3! ling6 ngoi6, do1 ze6 nei5 dei6 ceng2 ngo5 jam2 gaa3 fe1, tung4 maai4 fun1 jing4 nei5 dei6 bou3 meng2 caam1 gaa1 ngo5 ge3 sin3 soeng6 fo3 cing4.
其他地區新聞。
根據明報嘅報導，中國河北石家莊嘅上空，尋日因為出現氣球，有臨時嘅航空管制，有好多航班都唔可以降落。《環球時報》前總編輯胡錫進話，政府應該將成件事嘅原因及時同大家講。
kei4 taa1 dei6 keoi1 san1 man4.
gan1 geoi3 ming4 bou3 ge3 bou3 dou6, zung1 gwok3 ho4 bak1 sek6 gaa1 zong1 ge3 soeng6 hung1, cam4 jat6 jan1 wai6 ceot1 jin6 hei3 kau4, jau5 lam4 si4 ge3 hong4 hung1 gun2 zai3, jau5 hou2 do1 hong4 baan1 dou1 m4 ho2 ji5 gong3 lok6.《 waan4 kau4 si4 bou3》 cin4 zung2 pin1 cap1 wu4 sek3 zeon3 waa6, zing3 fu2 jing1 goi1 zoeng1 sing4 gin6 si6 ge3 jyun4 jan1 kap6 si4 tung4 daai6 gaa1 gong2.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.