歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年2月6號下晝5點。
首先係香港新聞。
香園圍口岸喺今日第一日俾市民過關去中國內地。呢個係第一個可以直接揸車去到嘅口岸，市民可以將部車泊喺口岸嘅停車場，行過去就可以過關去深圳，對於駕車人士嚟講係非常方便。另外，由今日起，香港同內地全面通關，全部口岸出入境已經冇曬限制。
電影《給十九歲的我》上映咗幾日之後，由今日起暫停喺戲院放映。呢部係一部有關英華女校嘅紀錄片，由於內容涉及學生嘅私隱嘅問題，公開放映之後惹嚟好大嘅爭議，導演張婉婷喺尋日決定暫停放映。
尋日係元宵節，北區公園同埋荃灣公園喺呢幾日都有元宵綵燈展，直到聽日，入場喺唔使錢嘅。另外，香港文化中心出面都有綵燈展，歡迎市民參加。
ji4 gaa1 hai6 hoeng1 gong2 si4 gaan3 2023 nin4 2 jyut6 6 hou6 haa6 zau3 5 dim2.
sau2 sin1 hai6 hoeng1 gong2 san1 man4.
hoeng1 jyun4 wai4 hau2 ngon6 hai2 gam1 jat6 dai6 jat1 jat6 bei2 si5 man4 gwo3 gwaan1 heoi3 zung1 gwok3 noi6 dei6. ni1 go3 hai6 dai6 jat1 go3 ho2 ji5 zik6 zip3 zaa1 ce1 heoi3 dou2 ge3 hau2 ngon6, si5 man4 ho2 ji5 zoeng1 bou6 ce1 paak3 hai2 hau2 ngon6 ge3 ting4 ce1 coeng4, haang4 gwo3 heoi3 zau6 ho2 ji5 gwo3 gwaan1 heoi3 sam1 zan3, deoi3 jyu1 gaa3 ce1 jan4 si6 lai4 gong2 hai6 fei1 soeng4 fong1 bin6. ling6 ngoi6, jau4 gam1 jat6 hei2, hoeng1 gong2 tung4 noi6 dei6 cyun4 min6 tung1 gwaan1, cyun4 bou6 hau2 ngon6 ceot1 jap6 ging2 ji5 ging1 mou5 saai3 haan6 zai3.
din6 jing2《 kap1 sap6 gau2 seoi3 dik1 ngo5》 soeng5 jing2 zo2 gei2 jat6 zi1 hau6, jau4 gam1 jat6 hei2 zaam6 ting4 hai2 hei3 jyun2 fong3 jing2. ni1 bou6 hai6 jat1 bou6 jau5 gwaan1 jing1 waa2/4 neoi5 haau6 ge3 gei2 luk6 pin2, jau4 jyu1 noi6 jung4 sip3 kap6 hok6 saang1 ge3 si1 jan2 ge3 man6 tai4, gung1 hoi1 fong3 jing2 zi1 hau6 je5 lai4 hou2 daai6 ge3 zang1 ji5, dou6 jin2 zoeng1 jyun2 ting4 hai2 cam4 jat6 kyut3 ding6 zaam6 ting4 fong3 jing2.
cam4 jat6 hai6 jyun4 siu1 zit3, bak1 keoi1 gung1 jyun2 tung4 maai4 cyun4 waan1 gung1 jyun2 hai2 ni1 gei2 jat6 dou1 jau5 jyun4 siu1 coi2 dang1 zin2, zik6 dou3 ting1 jat6, jap6 coeng4 hai2 m4 sai2 cin2 ge3. ling6 ngoi6, hoeng1 gong2 man4 faa3 zung1 sam1 ceot1 min6 dou1 jau5 coi2 dang1 zin2, fun1 jing4 si5 man4 caam1 gaa1.
你嘅廣東話唔知點樣升呢？報名參加我嘅1對1線上課程啦！另外，多謝你哋請我飲咖啡呀！
nei5 ge3 gwong2 dung1 waa2 m4 zi1 dim2 joeng2 sing1 ne1? bou3 meng2 caam1 gaa1 ngo5 ge3 1 deoi3 1 sin3 soeng6 fo3 cing4 laa1! ling6 ngoi6, do1 ze6 nei5 dei6 ceng2 ngo5 jam2 gaa3 fe1 aa3!
其他地區新聞。
台灣嘅星雲大師喺尋日逝世，享年96歲。佢喺1967年創立佛光山，喺全球總共創立咗超過300間寺院。
美國國務卿布林肯話，中國嘅監視氣球飛過去美國領空，等於侵犯美國嘅主權，所以而家唔去中國訪問住。中國就話，個氣球只不過係民用嘅，氣球飛咗去美國係意外，希望美國唔好因為咁而影響美中之間嘅關係。另外，中國又話，另一個喺拉丁美洲上空嘅氣球，都係民用嘅，同埋都係因為天氣唔好，唔小心飛咗去嗰度。
kei4 taa1 dei6 keoi1 san1 man4.
toi4 waan1 ge3 sing1 wan4 daai6 si1 hai2 cam4 jat6 sai6 sai3, hoeng2 nin4 96 seoi3. keoi5 hai2 1967 nin4 cong3 laap6 fat6 gwong1 saan1, hai2 cyun4 kau4 zung2 gung6 cong3 laap6 zo2 ciu1 gwo3 300 gaan1 zi6 jyun2.
mei5 gwok3 gwok3 mou6 hing1 bou3 lam4 hang2 waa6, zung1 gwok3 ge3 gaam1 si6 hei3 kau4 fei1 gwo3 heoi3 mei5 gwok3 ling5 hung1, dang2 jyu1 cam1 faan6 mei5 gwok3 ge3 zyu2 kyun4, so2 ji5 ji4 gaa1 m4 heoi3 zung1 gwok3 fong2 man6 zyu6. zung1 gwok3 zau6 waa6, go3 hei3 kau4 zi2 bat1 gwo3 hai6 man4 jung6 ge3, hei3 kau4 fei1 zo2 heoi3 mei5 gwok3 hai6 ji3 ngoi6, hei1 mong6 mei5 gwok3 m4 hou2 jan1 wai6 gam2 ji4 jing2 hoeng2 mei5 zung1 zi1 gaan1 ge3 gwaan1 hai6. ling6 ngoi6, zung1 gwok3 jau6 waa6, ling6 jat1 go3 hai2 laai1 ding1 mei5 zau1 soeng6 hung1 ge3 hei3 kau4, dou1 hai6 man4 jung6 ge3, tung4 maai4 dou1 hai6 jan1 wai6 tin1 hei3 m4 hou2, m4 siu2 sam1 fei1 zo2 heoi3 go2 dou6.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.