歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年3月1號上晝10點。
香港新聞。
口罩令由今日開始取消，市民喺室外，室內同埋搭車都唔使再戴口罩。不過，今日朝頭早仍然有好多人繼續戴住口罩返工同埋返學。有市民話驚中招，所以會戴多一陣，又有市民話屋企仲有好多口罩，唔想浪費，會戴到用曬為止。另外，有啲學生覺得習慣咗大家戴口罩個樣，唔戴會覺得好尷尬。
ji4 gaa1 hai6 hoeng1 gong2 si4 gaan3 2023 nin4 3 jyut6 1 hou6 soeng6 zau3 10 dim2.
hoeng1 gong2 san1 man4.
hau2 zaau3 ling6 jau4 gam1 jat6 hoi1 ci2 ceoi2 siu1, si5 man4 hai2 sat1 ngoi6, sat1 noi6 tung4 maai4 daap3 ce1 dou1 m4 sai2 zoi3 daai3 hau2 zaau3. bat1 gwo3, gam1 jat6 ziu1 tau4 zou2 jing4 jin4 jau5 hou2 do1 jan4 gai3 zuk6 daai3 zyu6 hau2 zaau3 faan1 gung1 tung4 maai4 faan1 hok6. jau5 si5 man4 waa6 geng1 zung3 ziu1, so2 ji5 wui5 daai3 do1 jat1 zan6, jau6 jau5 si5 man4 waa6 uk1 kei2 zung6 jau5 hou2 do1 hau2 zaau3, m4 soeng2 long6 fai3, wui5 daai3 dou3 jung6 saai3 wai4 zi2. ling6 ngoi6, jau5 di1 hok6 saang1 gok3 dak1 zaap6 gwaan3 zo2 daai6 gaa1 daai3 hau2 zaau3 go3 joeng2, m4 daai3 wui5 gok3 dak1 hou2 gaam3 gaai3.
如果你對我哋嘅節目有任何建議，記得同我哋講呀！另外，多謝你請我飲咖啡。我喺呢度邀請你報名參加我嘅線上課程。最平嘅package只不過係30.8美金一堂咋！
jyu4 gwo2 nei5 deoi3 ngo5 dei6 ge3 zit3 muk6 jau5 jam6 ho4 gin3 ji5, gei3 dak1 tung4 ngo5 dei6 gong2 aa3! ling6 ngoi6, do1 ze6 nei5 ceng2 ngo5 jam2 gaa3 fe1. ngo5 hai2 ni1 dou6 jiu1 cing2 nei5 bou3 meng2 caam1 gaa1 ngo5 ge3 sin3 soeng6 fo3 cing4. zeoi3 peng4 ge3 package zi2 bat1 gwo3 hai6 30.8 mei5 gam1 jat1 tong4 zaa3!
模特兒蔡天鳳嘅兇殺及肢解案，死者嘅遺體仲未搵得返曬，警察尋日喺打鼓嶺垃圾堆填區搵到一啲骨頭，但係唔sure喺咪死者嘅。另外，死者嘅父母、丈夫同埋親友，尋日去富山公眾斂房認屍，同埋去到大埔嘅案發現場門口進行法事。
呢件案係喺上個月21號發生嘅，死者喺嗰日搭佢嘅私人司機揸嘅車，本來打算去接仔女放學，但係之後失咗蹤。死者屋企人報警之後，警察喺上個月24號，喺大埔嘅一間村屋發現死者唔完整嘅屍體。另外喺現場，警察仲搵到啲烹飪工具，喺雪櫃亦都搵到啲屍塊。警察之後喺其中嘅一個煲裡面搵到死者嘅頭顱，煲裡面仲有肉碎同埋青紅蘿蔔。警察目前已經拉咗死者前夫、前老爺、前奶奶同埋佢嘅私人司機（佢前大伯，即係前夫嘅阿哥）。而前老爺嘅情婦，亦需要協助調查，目前保釋緊。
mou4 dak6 ji4 coi3 tin1 fung6/2 ge3 hung1 saat3 kap6 zi1 gaai2 on3, sei2 ze2 ge3 wai4 tai2 zung6 mei6 wan2 dak1 faan1 saai3, ging2 caat3 cam4 jat6 hai2 daa2 gu2 leng5 laap6 saap3 deoi1 tin4 keoi1 wan2 dou2 jat1 di1 gwat1 tau4, daan6 hai6 m4 sure hai2 mai6 sei2 ze2 ge3. ling6 ngoi6, sei2 ze2 ge3 fu6 mou5, zoeng6 fu1 tung4 maai4 can1 jau5, cam4 jat6 heoi3 fu3 saan1 gung1 zung3 lim5 fong4 jing6 si1, tung4 maai4 heoi3 dou3 daai6 bou3 ge3 on3 faat3 jin6 coeng4 mun4 hau2 zeon3 hang4 faat3 si6.
ni1 gin6 on3 hai6 hai2 soeng6 go3 jyut6 21 hou6 faat3 sang1 ge3, sei2 ze2 hai2 go2 jat6 daap3 keoi5 ge3 si1 jan4 si1 gei1 zaa1 ge3 ce1, bun2 loi4 daa2 syun3 heoi3 zip3 zai2 neoi2 fong3 hok6, daan6 hai6 zi1 hau6 sat1 zo2 zung1. sei2 ze2 uk1 kei2 jan4 bou3 ging2 zi1 hau6, ging2 caat3 hai2 soeng6 go3 jyut6 24 hou6, hai2 daai6 bou3 ge3 jat1 gaan1 cyun1 uk1 faat3 jin6 sei2 ze2 m4 jyun4 zing2 ge3 si1 tai2. ling6 ngoi6 hai2 jin6 coeng4, ging2 caat3 zung6 wan2 dou2 di1 paang1 jam6 gung1 geoi6, hai2 syut3 gwai6 jik6 dou1 wan2 dou2 di1 si1 faai3. ging2 caat3 zi1 hau6 hai2 kei4 zung1 ge3 jat1 go3 bou1 leoi5 min6 wan2 dou2 sei2 ze2 ge3 tau4 lou4, bou1 leoi5 min6 zung6 jau5 juk6 seoi3 tung4 maai4 ceng1 hung4 lo4 baak6. ging2 caat3 muk6 cin4 ji5 ging1 laai1 zo2 sei2 ze2 cin4 fu1, cin4 lou5 je4, cin4 naai4 naai2 tung4 maai4 keoi5 ge3 si1 jan4 si1 gei1( keoi5 cin4 daai6 baak3, zik1 hai6 cin4 fu1 ge3 aa3 go1). ji4 cin4 lou5 je4 ge3 cing4 fu5, jik6 seoi1 jiu3 hip3 zo6 diu6/tiu4 caa4, muk6 cin4 bou2 sik1 gan2.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.