歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年3月27號夜晚11點。
首先係香港新聞。
天文台話喺尋日下晝三點鐘左右，西灣河有類似落雹嘅情況出現。當時黃色暴雨警告生效緊，即係話香港廣泛地區落緊大雨。
ji4 gaa1 hai6 hoeng1 gong2 si4 gaan3 2023 nin4 3 jyut6 27 hou6 je6 maan5 11 dim2.
sau2 sin1 hai6 hoeng1 gong2 san1 man4.
tin1 man4 toi4 waa6 hai2 cam4 jat6 haa6 zau3 saam1 dim2 zung1 zo2 jau2, sai1 waan1 ho2 jau5 leoi6 ci5 lok6 bok6 ge3 cing4 fong3 ceot1 jin6. dong1 si4 wong4 sik1 bou6 jyu5 ging2 gou3 sang1 haau6 gan2, zik1 hai6 waa6 hoeng1 gong2 gwong2 faan6 dei6 keoi1 lok6 gan2 daai6 jyu5.
如果你對我哋嘅節目有任何建議，記得同我哋講呀！另外，多謝你請我飲咖啡。我喺呢度邀請你報名參加我嘅線上課程，第一堂只不過係16.8美金咋！
jyu4 gwo2 nei5 deoi3 ngo5 dei6 ge3 zit3 muk6 jau5 jam6 ho4 gin3 ji5, gei3 dak1 tung4 ngo5 dei6 gong2 aa3! ling6 ngoi6, do1 ze6 nei5 ceng2 ngo5 jam2 gaa3 fe1. ngo5 hai2 ni1 dou6 jiu1 cing2 nei5 bou3 meng2 caam1 gaa1 ngo5 ge3 sin3 soeng6 fo3 cing4, dai6 jat1 tong4 zi2 bat1 gwo3 hai6 16.8 mei5 gam1 zaa3!
其他地區新聞。
美國眾議院議長麥卡錫話，國會將會通過立法，處理手機短片app TikTok 引起嘅國家安全憂慮。喺上個星期四，TikTok行政總裁喺眾議院嘅聽證會俾議員質詢咗5個鐘頭，但係都冇辦法消除大家對Tik Tok嘅疑慮。喺美國國內，越嚟越多人呼籲禁用TikTok。
洪都拉斯同中國建交。由於洪都拉斯淨係承認世界上只有一個中國，即係中華人民共和國，而台灣只不過係中華人民共和國嘅一部份，所以即日同台灣斷交。洪都拉斯同台灣斷交之後，台灣嘅邦交國得返13個。台灣總統蔡英文話，對於兩國斷交，表示遺憾，但係佢話台灣唔會同中國大陸進行冇意義嘅金錢外交競逐。
kei4 taa1 dei6 keoi1 san1 man4.
mei5 gwok3 zung3 ji5 jyun2 ji5 zoeng2 mak6 kaa1 sek3 waa6, gwok3 wui2 zoeng1 wui5 tung1 gwo3 lap6 faat3, cyu5 lei5 sau2 gei1 dyun2 pin2 app TikTok jan5 hei2 ge3 gwok3 gaa1 on1 cyun4 jau1 leoi6. hai2 soeng6 go3 sing1 kei4 sei3,TikTok hang4 zing3 zung2 coi4 hai2 zung3 ji5 jyun2 ge3 ting1 zing3 wui2 bei2 ji5 jyun4 zat1 seon1 zo2 5 go3 zung1 tau4, daan6 hai6 dou1 mou5 baan6 faat3 siu1 ceoi4 daai6 gaa1 deoi3 Tik Tok ge3 ji4 leoi6. hai2 mei5 gwok3 gwok3 noi6, jyut6 lai4 jyut6 do1 jan4 fu1 jyu6 gam3 jung6 TikTok.
hung4 dou1 laai1 si1 tung4 zung1 gwok3 gin3 gaau1. jau4 jyu1 hung4 dou1 laai1 si1 zing6 hai6 sing4 jing6 sai3 gaai3 soeng6 zi2 jau5 jat1 go3 zung1 gwok3, zik1 hai6 zung1 waa4 jan4 man4 gung6 wo4 gwok3, ji4 toi4 waan1 zi2 bat1 gwo3 hai6 zung1 waa4 jan4 man4 gung6 wo4 gwok3 ge3 jat1 bou6 fan6, so2 ji5 zik1 jat6 tung4 toi4 waan1 tyun5 gaau1. hung4 dou1 laai1 si1 tung4 toi4 waan1 tyun5 gaau1 zi1 hau6, toi4 waan1 ge3 bong1 gaau1 gwok3 dak1 faan1 13 go3. toi4 waan1 zung2 tung2 coi3 jing1 man4 waa6, deoi3 jyu1 loeng5 gwok3 tyun5 gaau1, biu2 si6 wai4 ham6, daan6 hai6 keoi5 waa6 toi4 waan1 m4 wui5 tung4 zung1 gwok3 daai6 luk6 zeon3 hang4 mou5 ji3 ji6 ge3 gam1 cin4 ngoi6 gaau1 ging3 zuk6
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.