歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年4月24號夜晚7點。
首先係香港新聞。
香港政府透過國泰航空公司舉行免費機票抽獎。由今日起至月底，國泰會員可以透過國泰嘅網頁參加抽獎，總共會抽出2萬7千多張由香港出發去26個國家嘅單人來回機票。抽獎結果會喺下個月3號公佈。想碰下運氣嘅聽眾，記得喺月底之前參加抽獎。
根據《星島日報》嘅報導，尋晚喺元朗，有網友影到有幾個人攊住刀，追斬另一個人。警察話，尋晚喺元朗輕鐵康樂路站附近，有一個27歲非華裔男人，俾6個非華裔男人襲擊，手同腳受傷，暫時未拉到人。
ji4 gaa1 hai6 hoeng1 gong2 si4 gaan3 2023 nin4 4 jyut6 24 hou6 je6 maan5 7 dim2.
sau2 sin1 hai6 hoeng1 gong2 san1 man4.
hoeng1 gong2 zing3 fu2 tau3 gwo3 gwok3 taai3 hong4 hung1 gung1 si1 geoi2 hang4 min5 fai3 gei1 piu3 cau1 zoeng2. jau4 gam1 jat6 hei2 zi3 jyut6 dai2, gwok3 taai3 wui2 jyun4 ho2 ji5 tau3 gwo3 gwok3 taai3 ge3 mong5 jip6 caam1 gaa1 cau1 zoeng2, zung2 gung6 wui5 cau1 ceot1 2 maan6 7 cin1 do1 zoeng1 jau4 hoeng1 gong2 ceot1 faat3 heoi3 26 go3 gwok3 gaa1 ge3 daan1 jan4 loi4 wui4 gei1 piu3. cau1 zoeng2 git3 gwo2 wui5 hai2 haa6 go3 jyut6 3 hou6 gung1 bou3. soeng2 pung3 haa6 wan6 hei3 ge3 ting3 zung3, gei3 dak1 hai2 jyut6 dai2 zi1 cin4 caam1 gaa1 cau1 zoeng2.
gan1 geoi3《 sing1 dou2 jat6 bou3》 ge3 bou3 dou6, cam4 maan5 hai2 jyun4 long5, jau5 mong5 jau5 jing2 dou2 jau5 gei2 go3 jan4 lik6 zyu6 dou1, zeoi1 zaam2 ling6 jat1 go3 jan4. ging2 caat3 waa6, cam4 maan5 hai2 jyun4 long5 hing1 tit3 hong1 lok6 lou6 zaam6 fu6 gan6, jau5 jat1 go3 27 seoi3 fei1 waa4 jeoi6 naam4 jan2, bei2 6 go3 fei1 waa4 jeoi6 naam4 jan2 zaap6 gik1, sau2 tung4 goek3 sau6 soeng1, zaam6 si4 mei6 laai1 dou2 jan4.
如果你對我哋嘅節目有任何建議，記得同我哋講呀！另外，多謝你請我飲咖啡。你亦都可以加入我嘅Patreon嚟支持我。我喺呢度邀請你報名參加我嘅線上課程，第一堂只不過係16.8美金咋！
jyu4 gwo2 nei5 deoi3 ngo5 dei6 ge3 zit3 muk6 jau5 jam6 ho4 gin3 ji5, gei3 dak1 tung4 ngo5 dei6 gong2 aa3! ling6 ngoi6, do1 ze6 nei5 ceng2 ngo5 jam2 gaa3 fe1. nei5 jik6 dou1 ho2 ji5 gaa1 jap6 ngo5 ge3 Patreon lai4 zi1 ci4 ngo5. ngo5 hai2 ni1 dou6 jiu1 cing2 nei5 bou3 meng2 caam1 gaa1 ngo5 ge3 sin3 soeng6 fo3 cing4, dai6 jat1 tong4 zi2 bat1 gwo3 hai6 16.8 mei5 gam1 zaa3!
其他地區新聞。
中國駐法國大使盧沙野喺接受法國電視台訪問嗰陣時話，前蘇聯國家喺國際法裡面冇實際地位。法國要求中國澄清呢個係咪中國嘅立場。中國外交部就話，中國會尊重蘇聯解體之後，每個加盟共和國嘅主權國家地位。
kei4 taa1 dei6 keoi1 san1 man4.
zung1 gwok3 zyu3 faat3 gwok3 daai6 si5 lou4 saa1 je5 hai2 zip3 sau6 faat3 gwok3 din6 si6 toi4 fong2 man6 go2 zan6 si4 waa6, cin4 sou1 lyun4 gwok3 gaa1 hai2 gwok3 zai3 faat3 leoi5 min6 mou5 sat6 zai3 dei6 wai6. faat3 gwok3 jiu1 kau4 zung1 gwok3 cing4 cing1 ni1 go3 hai6 mai6 zung1 gwok3 ge3 laap6 coeng4. zung1 gwok3 ngoi6 gaau1 bou6 zau6 waa6, zung1 gwok3 wui5 zyun1 zung6 sou1 lyun4 gaai2 tai2 zi1 hau6, mui5 go3 gaa1 mang4 gung6 wo4 gwok3 ge3 zyu2 kyun4 gwok3 gaa1 dei6 wai6.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.