歡迎收聽，廣東話新聞慢慢聽。[Mandarin] [English]
由Tsubasa 阿翼報導新聞。
fun1 jing4 sau1 teng1, gwong2 dung1 waa2 san1 man4 maan6 maan2 teng1. [Mandarin] [English]
jau4 Tsubasa aa3 jik6 bou3 dou6 san1 man4.
而家係香港時間2023年1月11號傍晚6點半。
首先係香港新聞。
前日，有兩個醫生俾警察拉咗，話佢哋涉嫌誤殺。呢件案件，係同2017年一個44歲嘅女病人，因為急性肝衰竭而死有關。當時，呢兩名醫生喺救呢個病人嘅時候，懷疑用錯藥，之前已經俾香港醫務委員會裁定專業失當。
警察拉咗3個男人，佢哋涉嫌同之前喺輕鐵車頂玩Parkour有關。港鐵喺回覆香港電台查詢嘅時候，叫市民唔好做埋曬呢啲危險嘅嘢。
ji4 gaa1 hai6 hoeng1 gong2 si4 gaan3 2023 nin4 1 jyut6 11 hou6 pong4 maan5 6 dim2 bun3.
sau2 sin1 hai6 hoeng1 gong2 san1 man4.
cin4 jat6, jau5 loeng5 go3 ji1 sang1 bei2 ging2 caat3 laai1 zo2, waa6 keoi5 dei6 sip3 jim4 ng6 saat3. ni1 gin6 on3 gin2, hai6 tung4 2017 nin4 jat1 go3 44 seoi3 ge3 neoi5 beng6 jan4, jan1 wai6 gap1 sing3 gon1 seoi1 kit3 ji4 sei2 jau5 gwaan1. dong1 si4, ni1 loeng5 ming4 ji1 sang1 hai2 gau3 ni1 go3 beng6 jan4 ge3 si4 hau6, waai4 ji4 jung6 co3 joek6, zi1 cin4 ji5 ging1 bei2 hoeng1 gong2 ji1 mou6 wai2 jyun4 wui2 coi4 ding6 zyun1 jip6 sat1 dong3.
ging2 caat3 laai1 zo2 3 go3 naam4 jan2, keoi5 dei6 sip3 jim4 tung4 zi1 cin4 hai2 hing1 tit3 ce1 deng2 waan2 Parkour jau5 gwaan1. gong2 tit3 hai2 wui4 fuk1 hoeng1 gong2 din6 toi4 caa4 seon1 ge3 si4 hau6, giu3 si5 man4 m4 hou2 zou6 maai4 saai3 ni1 di1 ngai4 him2 ge3 je5.
唔知點樣改善你嘅廣東話發音？唔使驚！報名參加我嘅1對1線上課程啦！支持我嘅你，請記得share呢個podcast俾想學廣東話嘅人聽呀！多謝曬！
m4 zi1 dim2 joeng2 goi2 sin6 nei5 ge3 gwong2 dung1 waa2 faat3 jam1? m4 sai2 geng1! bou3 meng2 caam1 gaa1 ngo5 ge31 deoi3 1 sin3 soeng6 fo3 cing4 laa1! zi1 ci4 ngo5 ge3 nei5, cing2 gei3 dak1 share ni1 go3 podcast bei2 soeng2 hok6 gwong2 dung1 waa2 ge3 jan4 teng1 aa3! do1 ze6 saai3!
其他地區新聞。
澳門旅遊局推出優惠，香港人去澳門過夜，會送回程船飛或者巴士飛。旅遊局希望吸引多啲香港人去澳門玩，振興澳門嘅經濟。
香港經濟日報引述中國內媒嘅報導，百度智能駕駛事業群而家進行緊大規模嘅裁員。另外，有部門嘅全體員工已經收到通知，話今年唔會有年終獎金。
kei4 taa1 dei6 keoi1 san1 man4.
ou3 mun2 leoi5 jau4 guk6 teoi1 ceot1 jau1 wai6, hoeng1 gong2 jan4 heoi3 ou3 mun2 gwo3 je2, wui5 sung3 wui4 cing4 syun4 fei1 waak6 ze2 baa1 si2 fei1. leoi5 jau4 guk6 hei1 mong6 kap1 jan5 do1 di1 hoeng1 gong2 jan4 heoi3 ou3 mun2 waan2, zan3 hing1 ou3 mun2 ge3 ging1 zai3.
hoeng1 gong2 ging1 zai3 jat6 bou3 jan5 seot6 zung1 gwok3 noi6 mui4 ge3 bou3 dou6, baak3 dou6 zi3 nang4 gaa3 sai2 si6 jip6 kwan4 ji4 gaa1 zeon3 hang4 gan2 daai6 kwai1 mou4 ge3 coi4 jyun4. ling6 ngoi6, jau5 bou6 mun4 ge3 cyun4 tai2 jyun4 gung1 ji5 ging1 sau1 dou2 tung1 zi1, waa6 gam1 nin4 m4 wui5 jau5 nin4 zung1 zoeng2 gam1.
如果你想睇返今日podcast內容嘅transcript，可以去我個網站，3個w . tsubasa cantonese . com下載。
今日嘅新聞係由香港電台、商業電台、南華早報同埋自由時報提供。
多謝收聽。
jyu4 gwo2 nei5 soeng2 tai2 faan1 gam1 jat6 podcast noi6 jung4 ge3 transcript, ho2 ji5 heoi3 ngo5 go3 mong5 zaam6,3 go3 w . tsubasa cantonese . com haa6 zoi3.
gam1 jat6 ge3 san1 man4 hai6 jau4 hoeng1 gong2 din6 toi4, soeng1 jip6 din6 toi4, naam4 waa4 zou2 bou3 tung4 maai4 zi6 jau4 si4 bou3 tai4 gung1.
do1 ze6 sau1 teng1.